Referendaria u referendari per la finanziaziun dals ospitals – Uffizi da sanadad | 80–100 % | Cuira – Gesundheitsamt Graubünden

L’Uffizi da sanadad è responsabel per il provediment da la sanadad sco er per la promoziun da la sanadad e prevenziun, uschenavant che quai èn incumbensas chantunalas. Las activitads da l’Uffizi da sanadad pon vegnir sutdivididas principalmain en ils suandants secturs: servetsch medical chantunal, controlla da medicaments e da narcotics, permissiuns e surveglianza d’instituziuns e da persunas dals fatgs da sanadad, promoziun da la sanadad e prevenziun sco er concessiun da contribuziuns chantunalas a las instituziuns dals fatgs da sanadad autorisadas.

Per la partiziun Finanzas e controlling da l’Uffizi da sanadad tschertgain nus per il settember 2025 u tenor cunvegna ina referendaria u in referendari per la finanziaziun dals ospitals.

• Examinar preliminarmain las dumondas da garanzia da surpigliar ils custs, che vegnan inoltradas
• Controllar ils quints entrants che concernan las prestaziuns staziunaras ed en cas da basegn pretender ulteriurs documents ch’èn necessaris per questa controlla
• Effectuar pajaments als furniturs da prestaziuns
• Communitgar en scrit u per telefon cun las persunas cumpetentas tar ils furniturs da prestaziuns

• Scolaziun commerziala da basa sco er experientscha da plirs onns en il sectur da contabilitad (en il cas ideal en il sectur da crediturs)
• Bun dun receptiv, pensar analitic ed affinitad per cifras
• Moda da lavurar independenta ed exacta
• Atgna iniziativa, forza da persvader ed abilitad communicativa
• Applicaziun segira dals programs da Microsoft Office e prontezza d’emprender l’utilisaziun da novs programs
• Buna expressiun linguistica (en scrit sco er a bucca) per tudestg vegn premessa, enconuschientschas dal talian èn d’avantatg