Collavuratura academica u collavuratur academic per la partiziun Scolas medias – Uffizi per la furmaziun media-superiura | 80–100 % | Cuira – Amt für Höhere Bildung
Website Amt für Höhere Bildung
Ensemen per il Grischun
L’unic chantun triling da la Svizra è in chantun multifar tant en quai che reguarda l’economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist tuttina variada sco nossa cuntrada.
En il sectur da las scolas medias, da la furmaziun terziara e da la perscrutaziun realisescha l’Uffizi per la furmaziun media-superiura las incumbensas da la politica da furmaziun da la Regenza e dal Departament d’educaziun, cultura e protecziun da l’ambient a favur d’in Grischun sco lieu da furmaziun e da perscrutaziun attractiv.
La partiziun Scolas medias è responsabla per exequir las disposiziuns legalas respectivas per las scolas medias. Las var 2300 scolaras e scolars da la scola media sa repartan en il chantun Grischun sin la Scola chantunala grischuna a Cuira e sin las otg scolas medias privatas en las regiuns.
Per l’Uffizi per la furmaziun media-superiura tschertgain nus, pervia d’in pensiunament, per il 1. da zercladur 2026 u tenor cunvegna ina collavuratura academica u in collavuratur academic per la partiziun Scolas medias.
Voss champ d’incumbensas
- Collavurar e sustegnair scientificamain las direcziun da la partiziun en connex cun realisar projects, revisiuns da leschas ed ordinaziuns sco er refurmas chantunalas e federalas dals fatgs da scola media
- Responsabladad generala per ils examens d’admissiun chantunals a las scolas medias dal Grischun, incl. manar la cumissiun dals examens d’admissiun
- Surpigliar la communicaziun e la lavur da publicitad en il sectur da las scolas medias
- Collavurar a l’accumpagnament dal management da qualitad da las scolas medias ed a la controlla da la rapportaziun annuala da las scolas medias davart las incaricas da prestaziun chantunalas
- Cooperar a la coordinaziun ed a la surveglianza en connex cun ils examens finals a las scolas medias
- Cooperar a l’administraziun da las scolaras e dals scolars ed elavurar dumondas da cas singuls (p.ex. admissiuns, midadas da scola e da partiziun)
Quai che nus giavischain da Vus
- Diplom da scola auta sin il stgalim da master
- Plirs onns experientscha professiunala en il sectur da furmaziun, experientschas en l’administraziun da furmaziun èn d’avantatg
- Fitg bunas abilitads da communitgar a bucca, demananza persvadenta e plaschair da la lavur da publicitad
- Gronda abilitad da supportar squitsch e forza da persvader
- Moda da lavurar independenta e structurada sco er affinitad per svilups digitals
- Versà da scriver texts per tudestg Bunas enconuschientschas da pliras linguas chantunalas èn d’avantatg
- Gronda cumpetenza sociala ed abilitad da lavurar en in team
Kontakt:
081 257 61 72
REME7638.8
Um dich für diesen Job zu bewerben, besuche bitte apply.refline.ch.
