Manadra u manader dal Post da coordinaziun Migraziun – Uffizi dal servetsch social | 80 % | Cuira – Sozialamt Graubünden
Webseite Sozialamt Graubünden
Ensemen per il Grischun
L’unic chantun triling da la Svizra è in chantun multifar tant en quai che reguarda l’economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist tuttina variada sco nossa cuntrada.
L’Uffizi dal servetsch social procura per prestaziuns che sustegnan l’integraziun sociala e professiunala, la participaziun sociala e la garanzia da l’existenza da famiglias, d’uffants e da giuvenils, da persunas cun impediments, da persunas cun dischavantatgs socials ed economics, da victimas da violenza (a chasa) e da persunas cun problems da dependenza. El planisescha, promova e surveglia las purschidas e las structuras che correspundan als basegns e che vegnan garantidas tras atgnas cussegliaziuns u en collavuraziun cun differents partenaris. Ulteriuras infurmaziuns chattais Vus sut Uffizi dal servetsch social – Migraziun.
La manadra u il manader dal Post da coordinaziun Migraziun è responsabel per quellas incumbensas dal sectur da la migraziun, che tutgan a la cumpetenza da l’Uffizi dal servetsch social. Questa cumpetenza cumpiglia fugitivas e fugitivs renconuschids, fugitivas e fugitivs admess provisoricamain, persunas admessas provisoricamain cun ina dimora da passa 7 onns (AP 7+) sco er persunas cun status da protecziun S che abitan en alloschis individuals. La manadra u il manader è la persuna da contact centrala per temas dal sectur Migraziun/fugitivs da l’Uffizi dal servetsch social. Ella u el coordinescha e maina la communicaziun e la collavuraziun cun ils posts relevants da l’uffizi, da l’administraziun sco er d’ordaifer l’administraziun.
Per il 1. da zercladur 2025 u tenor cunvegna tschertgain nus ina manadra u in manader dal Post da coordinaziun Migraziun.
Voss champ d’incumbensas
- Responsabladad per l’emprima collocaziun e per ils puncts da contact per l’emprim sustegn da fugitivas e fugitivs, che vegnan attribuids da la Confederaziun al chantun Grischun
- Organisar ed accumpagnar las purschidas da collocaziun e d’assistenza per fugitivas e fugitivs minorens betg accumpagnads
- Tractar dumondas da princip per sustegnair persunas cun status da protecziun S, procurar las basas da decisiun en cas singuls
- Coordinar la collavuraziun cun ils secturs specifics relevants da l’Uffizi dal servetsch social e d’auters posts chantunals
- Responsabladad per il management da savida e da datas sco er per il controlling en il sectur da la migraziun
- Responsabladad directa per manar in team da duas collavuraturas e collavuraturs
Quai che nus giavischain da Vus
- En il cas ideal diplom d’ina scola auta spezialisada u diplom universitar en scienzas socialas, politicas u economicas u scolaziun cumparegliabla
- Experientscha professiunala en il sectur da la migraziun e/u enconuschientschas dals svilups en ils secturs da la migraziun, da l’asil e da la fugia
- Grondas cumpetenzas analiticas, concepziunalas, communicativas e redacziunalas
- Abilitad d’applitgar tecnicas per schliar problems sco er da concepir process
- Chapientscha da cundiziuns generalas e da connexs politics e giuridics
- Plaschair da contacts, abilitad da supportar squitsch e da lavurar en in team, bunas abilitads communicativas, organisatoricas ed administrativas
- En il cas ideal enconuschientschas da las linguas chantunalas
- Moda da lavurar independenta ed orientada a soluziuns
Kontakt:
081 257 26 61
PINI6642.8
Um dich für diesen Job zu bewerben, besuche bitte apply.refline.ch.
