Managera u manager da tests – Uffizi dal servetsch social | 50 % | Cuira – Sozialamt Graubünden
Webseite Sozialamt Graubünden
Ensemen per il Grischun
L’unic chantun triling da la Svizra è in chantun multifar tant en quai che reguarda l’economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist tuttina variada sco nossa cuntrada.
Per incumbensa da las vischnancas presta l’Uffizi chantunal dal servetsch social agid social persunal ed agid per persunas dependentas. Plinavant sustegna el persunas en connex cun l’access a l’agid social economic. Per quest intent maina el 8 servetschs socials regiunals cun mintgamai 3 fin 35 collavuraturas e collavuraturs en las regiuns dal chantun. Ulteriuras infurmaziuns chattais Vus sut Cussegliaziun sociala – Cussegliaziun sociala.
Per optimar ils process en l’agid social vegn sviluppà in nov sistem per la gestiun dals cas. Uschia duai vegnir garantì tranter il chantun, las vischnancas sco er las clientas ed ils clients in barat da datas nuninterrut ed effectiv. Il project vegn realisà applitgond in management da projects agil tenor HERMES 2022 e SCRUM. La lavur vegn dividida en sprints da 3 emnas. L’onn 2025 vegn introducida la versiun da basa che vegn cumplettada l’onn 2026 cun svilups specifics.
Per planisar, realisar, accumpagnar e documentar conscienziusamain l’entira fasa da test tschertgain nus per la perioda dal 1. da matg 2025 fin ils 31 d’october 2025 ina managera u in manager da tests. I dat l’opziun da prolungar l’engaschament dal 1. da favrer 2026 fin ils 31 d’october 2026 cun in pensum da 100 %.
Voss champ d’incumbensas
- Elavurar plans da test, metodas da test, process da test e cas da test
- Analisar las finamiras da test en collavuraziun cun ils stakeholders
- Definir ed attribuir rollas da test
- Accumpagnar activitads da test (planisaziun, design, coordinaziun e realisaziun)
- Survegliar las resursas da test
- Ordinar mesiras per eliminar divergenzas e stretgas
- Survegliar e mesirar il progress dals tests
- Valitar la qualitad dals tests
- Infurmar ils stakeholders davart il progress dals tests
- Far rapports finals dals tests
- Adattar e meglierar ils process da test
- Survegliar l’eliminaziun da mancanzas
Quai che nus giavischain da Vus
- Experientscha cun testar applicaziuns en il rom da projects dad IT pli gronds e cumplexs (accumpagnar u manar tests)
- Experientscha en il management da projects ed en il management da las ristgas
- Enconuschientschas da las metodas en il sectur da tests cun applicaziuns dad IT
- Buna abilitad da communitgar e cumpetenza da manar persunal
- Almain ina furmaziun professiunala superiura
- En il cas ideal enconuschientschas da las linguas chantunalas
- Moda da lavurar independenta ed orientada a soluziuns
Kontakt:
081 257 26 61
PINI6237.8
Um dich für diesen Job zu bewerben, besuche bitte apply.refline.ch.
