Change managera u change manager – Uffizi dal servetsch social | 50 % | Cuira – Sozialamt Graubünden

Per incumbensa da las vischnancas presta l’Uffizi chantunal dal servetsch social agid social persunal ed agid per persunas dependentas. Plinavant sustegna el persunas en connex cun l’access a l’agid social economic. Per quest intent maina el 8 servetschs socials regiunals cun mintgamai 3 fin 35 collavuraturas e collavuraturs en las regiuns dal chantun. Ulteriuras infurmaziuns chattais Vus sut Cussegliaziun sociala – Cussegliaziun sociala.

Per optimar ils process en l’agid social vegn sviluppà in nov sistem per la gestiun dals cas. Uschia duai vegnir garantì tranter il chantun, las vischnancas sco er las clientas ed ils clients in barat da datas nuninterrut ed effectiv. Process ch’èn vegnids sviluppads durant onns vegnan digitalisads e concepids da nov. Da questa midada èn pertutgads passa 100 collavuraturas e collavuraturs dals servetschs socials regiunals, las collavuraturas ed ils collavuraturs da la direcziun da l’uffizi, ma er fin 100 vischnancas. Supplementarmain vegn il nov sistem er applitgà tar il post spezialisà Famiglias da tgira ed adopziuns.

Per accumpagnar il project per acquistar in nov sistem per la gestiun dals cas tschertgain nus per la perioda dal 1. da mars 2025 fin ils 28 da favrer 2027 ina change managera u in change manager.

• Gestiunar en moda structurada ils process da midada tant tar il chantun sco er tar las vischnancas
• Incitar, diriger e controllar process d’adattaziun strategicamain efficazis
• Identifitgar las midadas ed analisar las consequenzas dals svilups planisads
• Cussegliar ed accumpagnar il team da project ed ulteriurs stakeholders durant tut ils process da midament
• Sustegnair la communicaziun, en spezial er il marketing da products
• Cooperar a l’elavuraziun dal concept d’introducziun ed accumpagnar l’entira introducziun, incl. sustegn tar la scolaziun
• Procurar ch’ils novs process da fatschenta vegnian implementads cun success e ch’i dettia – tar las utilisadras ed ils utilisaders – ina gronda acceptanza per la nova soluziun sco er per ils novs process

• En il cas ideal in diplom en economia da manaschi, en informatica economica u en psicologia d’organisaziun
• Experientscha en il management da projects, opziunalmain en projects cumparegliabels
• Chapientscha per ils cumportaments da persunas pertutgadas en process da midament
• Gronda cumpetenza da communicaziun, d’agir e cumpetenza sociala
• Plaschair da contacts, abilitad da supportar squitsch e da lavurar en in team, bunas abilitads communicativas, organisatoricas ed administrativas
• En il cas ideal enconuschientschas da las linguas chantunalas
• Moda da lavurar independenta ed orientada a soluziuns