Praticanta u praticant en la planisaziun dal territori – Uffizi per il svilup dal territori | 100 % | Cuira – Amt für Raumentwicklung

/in /von
  • Teilzeit
  • Chur
  • 28. Februar 2025

Webseite Amt für Raumentwicklung

Ensemen per il Grischun
L’unic chantun triling da la Svizra è in chantun multifar tant en quai che reguarda l’economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l’avegnir da l’administraziun chantunala dal Grischun.
Tar l’Uffizi per il svilup dal territori (UST) s’engaschan 35 collavuraturas e collavuraturs per l’utilisaziun progressiva da la resursa stgarsa terren. En noss team motivà ta spetga in champ d’incumbensas multifar. Nossa incumbensa principala è quella, da chattar la ballantscha tranter in’utilisaziun effizienta dal territori, la protecziun da las resursas natiralas ed il niz per l’economia publica a lunga vista. En quest connex coordinain nus las pretensiuns multifaras envers il spazi da viver alpin e procurain per ina consideraziun transparenta dals interess. 

L’Uffizi per il svilup dal territori porscha tenor cunvegna in praticum en la planisaziun dal territori.

 

Tes champ d’incumbensas

Sco praticanta u praticant vegns ti engaschada u engaschà per incumbensas currentas en nossa partiziun Planisaziun d’utilisaziun ed edifizis ordaifer la zona da construcziun. Uschia pos ti rimnar experientschas praticas per tia vita professiunala en il sectur da la planisaziun dal territori. Ti elavuras dumondas per edifizis e stabiliments ordaifer las zonas da construcziun, collavuras tar l’examinaziun preliminara u tar l’approvaziun da planisaziuns localas da las vischnancas, prendas posiziun davart projects ord vista da la planisaziun dal territori e fas substituziuns en cas d’absenzas da vacanzas.

 

Quai giavischain nus da tai

Questa plazza da praticum sa drizza en emprima lingia a studentas e students da scolas autas spezialisadas e da scolas autas en il rom d’in semester da praticum u ad absolventas ed absolvents da scolaziuns dal sectur da la planisaziun dal territori, che vulessan sa preparar per l’entrada en la professiun u per ina furmaziun supplementara en il sectur da la planisaziun dal territori. In interess spezial per dumondas concretas da la planisaziun dal territori vegn premess. Nus premettain plinavant ina buna expressiun en scrit en tudestg. Enconuschientschas d’ina ulteriura lingua uffiziala chantunala (rumantsch u talian) èn bainvegnidas. Abilitad da lavurar en in team e plaschair dal contact cun umans, iniziativa ed avertadad sco er in’utilisaziun segira dals meds d’informatica moderns cumpletteschan tes profil.

 

 

Kontakt:
Per dumondas davart la professiun stat Linus Wild, manader da la partiziun Planisaziun d’utilisaziun ed EOZ, gugent a tia disposiziun sut il numer da telefon 081 257 23 07.
081 257 23 26

NADE6399.8

Verschlagwortet als: Kanton Graubünden

Um dich für diesen Job zu bewerben, besuche bitte apply.refline.ch.