Referendaria u referendari per l’indemnisaziun da dischoccupaziun – Uffizi per industria, mastergn e lavur | 60–100 % | Cuira – Amt für Industrie, Gewerbe und Arbeit
Webseite Amt für Industrie, Gewerbe und Arbeit
Ensemen per il Grischun
L’unic chantun triling da la Svizra è in chantun multifar tant en quai che reguarda l’economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist tuttina variada sco nossa cuntrada.
L’Uffizi per industria, mastergn e lavur (UCIML) occupa actualmain var 120 collavuraturas e collavuraturs en sis regiuns dal chantun Grischun. Ultra da l’intermediaziun publica da lavur (CIL) organisain nus mesiras dal martgà da lavur per persunas che tschertgan ina plazza e manain la Cassa chantunala da dischoccupaziun. Plinavant ademplin nus differentas incumbensas en il sectur dal martgà da lavur e da la segirezza a la lavur.
Per la partiziun Cassa da dischoccupaziun dal Grischun tschertgain nus, per il 1. da zercladur 2025 u tenor cunvegna, ina referendaria u in referendari per l’indemnisaziun da dischoccupaziun (60–100 %).
Voss champ d’incumbensas
- Controllar ed elavurar las dumondas per indemnisaziun da dischoccupaziun, incl. examinaziun conscienziusa dal dretg da survegnir prestaziuns e calculaziun da las prestaziuns
- Pajar ora correctamain e svelt las prestaziuns d’assicuranza
- Cussegliar en moda cumpetenta ed orientada als servetschs las persunas assicuradas davart lur dretgs da prestaziuns, davart ils termins da pajament e davart ulteriuras dumondas relevantas, quai per telefon, en scrit ed en cas da basegn er persunalmain
- Coordinar e sa barattar cun autras assicuranzas socialas sco er cun ulteriuras partiziuns da l’uffizi (en spezial CIL)
- En cas da basegn sustegnair ils secturs Indemnisaziun per lavur reducida, Indemnisaziun per mal’aura sco er Indemnisaziun per insolvenza
Quai che nus giavischain da Vus
- Emprendissadi commerzial terminà u scolaziun equivalenta terminada cun pratica da plirs onns
- Enconuschientschas dals fatgs da las assicuranzas socialas u prontezza da s’acquistar talas (attestat professiunal federal per spezialists d’assicuranzas socialas è d’avantatg)
- Senn per cifras sco er moda da lavurar exacta e structurada
- Vastas enconuschientschas en l’applicaziun dal computer
- Persunalitad cun responsabladad, ch’è abla da supportar squitsch e che lavura independentamain
- Curtaschaivladad e professiunalitad sco er abilitad da declerar fatgs cumplexs en moda simpla e chapaivla
- Flexibilitad e fidadadad sco er abilitad da lavurar en in team
- Bunas enconuschientschas dal tudestg a bucca ed en scrit, enconuschientschas dal talian èn d’avantatg
Kontakt:
081 257 23 80
MOFA6648.12
Um dich für diesen Job zu bewerben, besuche bitte apply.refline.ch.
