Cussegliadra u cussegliader da persunal – Uffizi per industria, mastergn e lavur | 80–100 % | Cuira – Amt für Industrie, Gewerbe und Arbeit
Webseite Amt für Industrie, Gewerbe und Arbeit
Ensemen per il Grischun
L’unic chantun triling da la Svizra è in chantun multifar tant en quai che reguarda l’economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist tuttina variada sco nossa cuntrada.
L’Uffizi per industria, mastergn e lavur (UCIML) occupa actualmain var 120 collavuraturas e collavuraturs en sis regiuns dal chantun Grischun. Ultra da l’intermediaziun publica da lavur (CIL) organisain nus mesiras dal martgà da lavur per persunas che tschertgan ina plazza e manain la Cassa chantunala da dischoccupaziun. Plinavant ademplin nus differentas incumbensas en il sectur dal martgà da lavur e da la segirezza a la lavur.
Per la partiziun Intermediaziun da lavur en il CIL a Cuira tschertgain nus per il 1. da fanadur 2025 u tenor cunvegna ina cussegliadra u in cussegliader da persunal (80–100 %).
Voss champ d’incumbensas
- Cussegliar ed intermediar persunas che tschertgan ina plazza
- Sustegnair las persunas che tschertgan ina plazza en lur posiziunament ed en lur reintegraziun en il martgà da lavur
- Elavurar e fixar strategias da reintegraziun e mesiras da qualificaziun adequatas cun las persunas che tschertgan ina plazza
- Collavurar cun differentas instituziuns partenarias (Uffizi dal servetsch social, Assicuranza d’invaliditad e.u.v.)
- Tgirar ils contacts cun las patrunas ed ils patruns da la regiun
- Acquirir plazzas libras
Quai che nus giavischain da Vus
- Diplom professiunal sco er experientscha professiunala da plirs onns
- Certificat professiunal federal sco spezialista u spezialist da resursas umanas u la prontezza d’absolver questa furmaziun supplementara (sco alternativa: certificat professiunal d’assicuranza sociala)
- Enconuschientschas dal martgà da lavur local
- Moda da lavurar independenta, structurada ed orientada a soluziuns
- Abilitad da supportar squitsch e gronda cumpetenza sociala
- Qualitads empaticas e chapientscha per persunas ch’èn en situaziuns da vita difficilas
- Fitg bunas abilitads communicativas e da lavurar en in team
- Bunas enconuschientschas dal tudestg e dal talian sco er bunas enconuschientschas dal computer vegnan premessas
- Prontezza da prestar acziuns er en auters lieus dal CIL en il chantun Grischun
Kontakt:
081 257 23 80
MOFA6600.8
Um dich für diesen Job zu bewerben, besuche bitte apply.refline.ch.
