Referendaria commerziala u referendari commerzial (limità fin ils 31-12-2026) – Uffizi per l’execuziun giudiziala | 60–100 % | Stabiliment giudizial Realta, Cazas – Amt für Justizvollzug
Webseite Amt für Justizvollzug
Ensemen per il Grischun
L’unic chantun triling da la Svizra è in chantun multifar tant en quai che reguarda l’economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist tuttina variada sco nossa cuntrada.
L’Uffizi per l’execuziun giudiziala (UEG) è in post da servetsch dal Departament da giustia, segirezza e sanadad dal chantun Grischun. Il UEG è responsabel per l’execuziun da chastis e da mesiras sco er dals differents geners d’arrest. En il Grischun vegn l’execuziun da chastis e da mesiras pia reglada sco champ tematic unitar e sco incumbensa cumplessiva, nua che differentas gruppas professiunalas lavuran en moda interdisciplinara cun persunas che han commess malfatgs, per impedir ulteriurs acts criminals.
Il Stabiliment giudizial Realta serva a l’execuziun averta dad umens tenor il Cudesch penal svizzer.
Per cumplettar noss team da l’administraziun tschertgain nus per immediat u tenor cunvegna ina referendaria commerziala u in referendari commerzial.
Voss champ d’incumbensas
- Surprender cunresponsabladad per las fatschentas quotidianas da l’administraziun dal Stabiliment giudizial Realta
- Administrar il sectur dals praschuniers
- Liquidar las incumbensas generalas da l’elavuraziun specifica sco er gidar a chaschun d’occurrenzas spezialas
- Porscher sustegn en differents champs d’incumbensas, sco p.ex. protocollar, realisar evaluaziuns, reelavurar fegls d’infurmaziun e.u.v.
- Tgirar e reelavurar l’internet/intranet
- Porscher support per problems pli pitschens en l’elavuraziun electronica da datas
Quai che nus giavischain da Vus
- Scolaziun commerziala terminada ed experientscha professiunala da plirs onns
- Persunalitad orientada als servetschs, engaschada, equilibrada ed independenta
- Plaschair da lavurar en in team e da collavurar en moda interdisciplinara
- Fitg buna expressiun en scrit ed a bucca per tudestg
- Bunas enconuschientschas da Microsoft Office sco er ina gronda affinitad per la IT
- Ina conduita irreproschabla
Kontakt:
081 257 52 61
MAKA6531.8
Um dich für diesen Job zu bewerben, besuche bitte apply.refline.ch.
