spezialista u spezialist per l’execuziun giudiziala (80–100 %) – – Amt für Justizvollzug Graubünden

L’administraziun chantunala – ina patruna moderna per collavuraturas motivadas e collavuraturs motivads sco Vus.

Voss champ d’incumbensas: Il Stabiliment giudizial Realta serva a l’execuziun averta dad umens tenor il Cudesch penal svizzer. Sco spezialista u spezialist per l’execuziun giudiziala collavurais Vus en il Stabiliment giudizial Realta en il sectur da l’assistenza e da la segirezza. Ensemen cun las commembras ed ils commembers dal team garantis e coordinais Vus in andament ordinà dal manaschi resguardond las basas giuridicas sco er las prescripziuns e las reglas relevantas per l’execuziun e per la segirezza. Vus surpigliais la surveglianza e l’assistenza da las persunas collocadas che derivan da differents territoris culturals ed essas la persuna da contact per dumondas e per giavischs. Vus prestais servetsch da damaun, da saira, da notg e da fin d’emna e cooperais en gruppas da lavur.

Voss profil: Vus avais terminà in emprendissadi d’almain trais onns cun attest federal da qualificaziun ed avais almain 30 onns. Il contact cun persunas da differentas culturas vesais Vus sco sfida. Vus essas ina persunalitad equilibrada ch’è abla da lavurar en in team, da supportar squitsch e da schliar conflicts ed avais ina gronda cumpetenza sociala. Voss profil vegn cumplettà d’in bun stil d’As exprimer en scrit per tudestg, d’enconuschientschas da l’informatica, dal permiss da manischar da la categoria B e – da preferenza – da bunas enconuschientschas da linguas estras. Ultra da quai avais Vus ina conduita irreproschabla ed essas pronta u pront d’absolver la scolaziun sco persuna spezialisada per l’execuziun giudiziala.

Kontakt:

081 257 52 61

MAKA4488.7

Tagged as: Kanton Graubünden