cuschiniera u cuschinier – Uffizi per la furmaziun media-superiura, manaschi d’abitar e d’alimentaziun Scalära, Cuira – – Kantonale Verwaltung Graubünden

  • Teilzeit
  • Chur
  • 31. Juli 2024

Webseite Kantonale Verwaltung Graubünden

Ti lavuras en la cuschina da la chasa d’abitar Scalära, en la mensa Münzmühle u en la GastroCantina a Cuira. Ti prendas en consegna las victualias e controlleschas la quantitad e la qualitad. Ti preparas pasts chauds e fraids e preschentas els en moda decorativa.

 

Accents da la scolaziun

Ti enconuschas las differentas tecnicas da preparar victualias sco coier cun vapur, pargialar, gratinar, sotar (brassar curtamain en ina padella fitg chauda) e poschar (coier en liquid chaud). Ti fas schuppas, sosas, funds. En la cuschina fraida preparas ti plattas da charn, salatas e pastetas e fas differentas pastizarias dultschas u saladas. Ti nettegias ils cuntels, las padellas, ils utensils e procuras che las victualias vegnan conservadas en moda igienica. La basa per la scolaziun manaschiala è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t’acquistas durant tia scolaziun la savida e las enconuschientschas professiunalas da giudim ensi e che ti es en cas da dumagnar las pretensiuns en il sectur interuman e professiunal.

 

Tias fermezzas èn

  • plaschair da lavurar cun victualias e da cuschinar
  • bun dun receptiv
  • abilitad da coordinar process da lavur
  • creativitad ed interess d’experimentar
  • mauns inschignaivels
  • senn exprimì per igiena
  • senn per urden
  • bun nas e bun palat
  • orientaziun al giast ed al team
  • sanadad robusta (lavurar oravant tut en pe)
  • abilitad da supportar squitsch en situaziuns hecticas

 

Pretensiun

  • scola populara terminada
  • enconuschientschas da linguas estras èn d’avantatg

 

Kontakt:

Betg ponderescha ditg, mabain t’annunzia anc oz tar nus. Infurmaziuns detagliadas e video davart las singulas professiuns chattas sut www.lehre.gr.ch. Sche ti has anc dumondas u vulessas savair dapli davart la professiun giavischada, lura dà simplamain in Telefon:

Uffizi da persunal dal Grischun, Raffaella Bacchi, Telefon 081 257 32 38

Nus ans legrain da tia annunzia cun il curs da la vita ed ina fotografia sco er cun ils quatter ultims attestats da scola. Ta preschenta curtamain en ina brev e mussa, pertge che nus duessan tscherner gist tai sco proxima emprendista u proxim emprendist.

+41812573234

LUCA858.23

Verschlagwortet als: Kanton Graubünden

Um dich für diesen Job zu bewerben, besuche bitte apply.refline.ch.