Manadra u manader da l’Uffizi da sanadad – Departament da giustia, segirezza e sanadad | 80–100 % | Cuira – Gesundheitsamt Graubünden

  • Teilzeit
  • Chur
  • 15. Februar 2025

Webseite Gesundheitsamt Graubünden

Ensemen per il Grischun
L’unic chantun triling da la Svizra è in chantun multifar tant en quai che reguarda l’economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist tuttina variada sco nossa cuntrada.

Il Departament da giustia, segirezza e sanadad ademplescha incumbensas multifaras per la populaziun grischuna e cumpiglia otg posts da servetsch sco er il Secretariat dal departament. In da quests posts da servetsch è l’Uffizi da sanadad dal Grischun. En mintga communitad moderna fa il provediment da la sanadad part da las incumbensas centralas dal stadi. En il Grischun procuran il chantun e las vischnancas per il provediment da la sanadad sco incumbensa constituziunala. Sco futura manadra u futur manader avais Vus la pussaivladad da gidar a concepir la politica chantunala da sanadad, da garantir la collavuraziun cun ils furniturs da prestaziuns e da manar projects interessants en il sectur da sanadad. Igl As spetga in team che collavura fitg bain, cun ina cultura d’avertadad e da stima sco er cun in’atmosfera da lavur orientada a soluziuns.

Pervia da la planisaziun da la successiun tschertgain nus per il 1. schaner 2026 u tenor cunvegna ina nova manadra u in nov manader da l’Uffizi da sanadad.

 

Voss champ d’incumbensas

  • Realisar las finamiras ed ils projects strategics da l’Uffizi da sanadad e dal departament (DGSS)
  • Manar e sviluppar las collavuraturas ed ils collavuraturs da l’Uffizi da sanadad
  • Exequir la legislaziun federala e chantunala da la sanadad
  • Elavurar il preventiv e controllar ils custs
  • Coordinar e manar differents projects en il sectur da la sanadad publica
  • Surpigliar la responsabladad per lavurs legislativas dal departament
  • Represchentar ils interess en cumissiuns, en gruppas da lavur ed a maisas radundas

 

Quai che nus giavischain da Vus

  • Diplom universitar (master u pli aut)
  • Fitg bunas enconuschientschas dals fatgs da sanadad
  • Vasta experientscha professiunala en il sectur da sanadad en posiziuns directivas u en l’administraziun publica
  • Pensar strategic sco er grond senn da responsabladad
  • Persunalitad communicativa cun gronda cumpetenza da medias
  • Affinitad digitala e pensar orientà al futur
  • Enconuschientschas dal talian e/u dal rumantsch èn d’avantatg

 

 

Kontakt:

081 257 25 04

KEFI6243.8

Verschlagwortet als: Kanton Graubünden

Um dich für diesen Job zu bewerben, besuche bitte apply.refline.ch.