Assistenta poliziala u assistent polizial da segirezza en la regiun Engiadin’Ota-Bregaglia-Puschlav – Polizia chantunala dal Grischun / DGSS | 50–100 % | Samedan – Kantonspolizei Graubünden
Webseite Kantonspolizei Graubünden
Ensemen per il Grischun
L’unic chantun triling da la Svizra è in chantun multifar tant en quai che reguarda l’economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist uschè variada sco nossa cuntrada. Contribui Vossas abilitads singularas e concepi ensemen cun nus l’avegnir da l’administraziun chantunala dal Grischun.
Segirezza en il Grischun, per las abitantas ed ils abitants, per ils giasts da vacanzas sco er per passantas e passants, quietezza ed urden per tuttas e tuts. Per quai procuran las assistentas ed ils assistents da segirezza da la Polizia chantunala dal Grischun. Di e notg, l’entir onn, da tutt’aura, en las vischnancas da contract. Dapertut ed adina èn ellas ed els pronts per porscher agid e per prender mesiras da prevenziun. Adina stat l’uman en il center. Vulais er Vus daventar ina part da noss corp motivà?
Nus tschertgain ina persunalitad engaschada e flexibla sco assistenta poliziala u assistent polizial da segirezza per l’Engiadin’Ota-Bregaglia-Puschlav.
Voss champ d’incumbensas
- Procurar per quietezza ed urden en las vischnancas da contract
- Survegliar e controllar ils vehichels parcads
- Ademplir incumbensas da la polizia communala
- Surpigliar incumbensas da regulaziun dal traffic sco er servetschs da patruglia
- Controllar las uras da parcar en il spazi attribuì
- Sustegnair noss polizists en connex cun acziuns ed occurrenzas spezialas
- Dar infurmaziuns e sustegnair la populaziun sco er ils giasts
Quai che nus giavischain da Vus
- Vus avais terminà cun success in emprendissadi cun attestat da qualificaziun AFQ
- Vus avais intgins onns experientscha professiunala
- Vus essas ina persuna fidada, independenta ed avais bunas enconuschientschas da l’applicaziun dal computer
- Las uras da lavur irregularas n’As preoccupeschan betg
- Reputaziun excellenta e fitg buna constituziun fisica
- La prontadad d’absolver las scolaziuns necessarias è indispensabla.
- Bunas enconuschientschas dal talian sco er ina demananza curtaschaivla cumpletteschan Voss profil.
Kontakt:
081 257 71 11
KAKA6585.8
Um dich für diesen Job zu bewerben, besuche bitte apply.refline.ch.
