Collavuratura u collavuratur da project e da support per las applicaziuns da decleraziun – Administraziun da taglia | 80–100 % | Cuira – Steuerverwaltung
Webseite Steuerverwaltung
Ensemen per il Grischun
L’unic chantun triling da la Svizra è in chantun multifar tant en quai che reguarda l’economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist tuttina variada sco nossa cuntrada.
Per la partiziun ICT da l’Administraziun da taglia tschertgain nus per il 1. da settember 2025 u tenor cunvegna ina u in collega per collavurar en projects e per furnir il support sin il champ da las applicaziuns da decleraziun che l’Administraziun da taglia metta a disposiziun a las ed als pajataglia.
Voss champ d’incumbensas
- Collavurar en projects dad IT per tgirar, sviluppar vinavant e renovar las applicaziuns da decleraziun da differents geners da taglia
- Testar funcziuns sco er coordinar cun partiziuns d’imposiziun per testar las funcziunalitads specificas
- Surpigliar il support da l’emprim nivel, principalmain per e-mail dentant per part er per telefon, per las ed ils pajataglias dal chantun Grischun e/u per lur represchentanza fiscala
- Transferir / coordinar cun il support dal segund nivel tras la furnitura dal sistem per dumondas da support tecnicas e tras las partiziuns specificas da l’Administraziun da taglia per dumondas da support specificas
- Collavurar a la tgira dal cuntegn ed a la concepziun da la pagina d’internet da l’Administraziun da taglia
Quai che nus giavischain da Vus
- In emprendissadi terminà en il sectur da l’informatica cun furmaziun / scolaziun supplementara (p.ex. furmaziuns supplementaras preparatoricas u attestats professiunals en il sectur fiduziar / taglias / administraziun publica) u experientscha pratica en il sectur commerzial, administrativ e/u organisatoric
- Buna communicaziun a bucca ed en scrit per tudestg ed en in idiom rumantsch sco er avertadad da duvrar rumantsch grischun en process standardisads en il contact cun autoritads
- In bun dun receptiv / chapientscha per process e per connexs sco er ina moda da lavurar structurada
- Premura / exactadad en la lavur, independenza, fidadadad ed in cumportament da responsabladad
- Prontadad per in’activitad che pretenda mintgatant ina tscherta flexibilitad, ma er ina tscherta abilitad da lavurar sut squitsch en in pitschen team
Kontakt:
Per dumondas davart la professiun stat Adriano Kollegger, manader Applicaziuns specificas e substitut dal manader da la partiziun ICT, gugent a Vossa disposiziun sut il numer da telefon 081 257 33 30.
081 257 33 16
IRPO6618.8
Um dich für diesen Job zu bewerben, besuche bitte apply.refline.ch.
