Assistenta u assistent d’administraziun – Uffizi da guaud e privels da la natira | 60–100 % | Cuira – Amt für Wald und Naturgefahren

  • Teilzeit
  • Chur
  • 28. Februar 2025

Webseite Amt für Wald und Naturgefahren

Ensemen per il Grischun
L’unic chantun triling da la Svizra è in chantun multifar tant en quai che reguarda l’economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l’avegnir da l’administraziun chantunala dal Grischun.
L’Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s’engaschan per ils basegns da la societad envers il guaud e garanteschan, ch’il guaud vegnia tractà en moda persistenta. 

Ti procuras ch’il guaud grischun:

  • possia proteger ils umans, ils animals e l’infrastructura,
  • saja il spazi da viver da bleras differentas spezias d’animals e da plantas,
  • saja il furnitur da materia prima, sco lain, aua ed energia,
  • possia esser vinavant in spazi da recreaziun e da temp liber per ils umans.

Per il 1. d’avrigl 2025 u tenor cunvegna tschertgain nus in’assistenta u in assistent d’administraziun (60–100 %).

 

Tes champ d’incumbensas

Ti surpiglias incumbensas administrativas da l’uffizi en in team da quatter e porschas sustegn administrativ per la direcziun sco er per tut ils secturs spezials:  

  • Liquidar la correspundenza generala (posiziuns, consultaziuns, controllas da termins, rediger conclus da la Regenza, circularas sco er directivas)
  • Liquidar tut las lavurs administrativas che resultan (entradas e sortidas da posta, servetsch da telefon, procurar per publicaziuns publicas, administrar ils contacts dad Outlook entaifer l’uffizi, empustar il material da biro e francaturas, archivar)
  • Coordinar termins da discussiun cun persunas internas ed externas
  • Liquidar ils process administrativs cun la software CMI entaifer il chantun 
  • Gidar a planisar ed ad organisar occurrenzas, excursiuns, lavuratoris

 

Quai spetgain nus da tai

  • Emprendissadi terminà sco commerzianta u commerziant AFQ u scolaziun sumeglianta
  • Experientscha en il sectur da secretariat è d’avantatg
  • Persunalitad fidada, ch’è abla da lavurar en in team e ch’è orientada als servetschs, che ha in flair organisatoric e che lavura gugent en moda independenta
  • Fitg bunas enconuschientschas en l’applicaziun da Microsoft Office ed affinitad per la IT, enconuschientschas da CMI èn d’avantatg
  • Fitg bunas enconuschientschas dal tudestg a bucca ed en scrit. Enconuschientschas dal talian e/u dal rumantsch èn d’avantatg

 

 

Kontakt:

081 257 38 77

INSC6345.8

Verschlagwortet als: Kanton Graubünden

Um dich für diesen Job zu bewerben, besuche bitte apply.refline.ch.