Collavuratura stagiunala u collavuratur stagiunal per il curtin forestal chantunal – Uffizi da guaud e privels da la natira | 80–100 % | Rodels – Amt für Wald und Naturgefahren

Webseite Amt für Wald und Naturgefahren
Ensemen per il Grischun
L’unic chantun triling da la Svizra è in chantun multifar tant en quai che reguarda l’economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist uschè variada sco nossa cuntrada. Contribuescha tias abilitads singularas e concepescha ensemen cun nus l’avegnir da l’administraziun chantunala dal Grischun.
L’Uffizi da guaud e privels da la natira (UGP) è il post spezialisà dal chantun per il guaud e per la protecziun cunter privels da la natira. Las collavuraturas ed ils collavuraturs dal UGP s’engaschan per ils basegns da la societad envers il guaud e garanteschan, ch’il guaud vegnia tractà en moda persistenta.
Ti procuras ch’il guaud grischun:
- possia proteger ils umans, ils animals e l’infrastructura,
- saja il spazi da viver da bleras differentas spezias d’animals e da plantas,
- saja il furnitur da materia prima, sco lain, aua ed energia,
- possia esser vinavant in spazi da recreaziun e da temp liber per ils umans.
Per il 1. da mars 2025 (limità fin ils 30 da november 2025) u tenor cunvegna tschertgain nus ina collavuratura stagiunala u in collavuratur stagiunal (80–100 %) cun salari per ura.
Tes champ d’incumbensas
- Sustegnair il team dal curtin forestal en dus lieus (Rodels e S-chanf). Il lieu d’acziun è principalmain a Rodels.
- Lavurs da mantegniment sco zerclar, chavar ora plantas, tgirar plantas, lavurs da racolta, lavurs cun vaschs, zavrar las plantas e.u.v.
Quai giavischain nus da tai
- Scolaziun en il sectur verd è d’avantatg, dentant betg obligatorica
- Enconuschientschas generalas ed interess per la cultivaziun e per la tratga da plantas
- Persuna cooperativa ed amiaivla ch’è abla da lavurar en in team cun in bun dun receptiv
- Disada u disà da far lavurs corporalas da tutt’aura
- Enconuschientschas dal tudestg
Kontakt:
081 257 38 77
INSC6306.8
Um dich für diesen Job zu bewerben, besuche bitte apply.refline.ch.