Commerzianta u commerziant (modus da rotaziun) – Uffizi da persunal | Cuira – Personalamt Graubünden

Ti organiseschas sesidas, tgiras la correspundenza, fas protocols e notizias d’acta, has contact telefonic e direct cun la clientella interna ed externa, legias actas e ta procuras infurmaziuns. Ti gidas en la contabilitad e sas interpretar in preventiv. En tia lavur quotidiana vegns ti sustegnida u sustegnì da sistems moderns da communicaziun e d’informatica. 

Cun quest model midas ti mintga onn il post da servetsch. A la fin da tia scolaziun has ti uschia ina vasta savida davart l’administraziun chantunala.

La basa per la scolaziun manaschiala è – ultra da la promoziun da la part professiunala – il svilup da la cumpetenza metodica, sociala e persunala. Quai vul dir che ti t’acquistas durant tia scolaziun la savida e las enconuschientschas professiunalas da giudim ensi e che ti es en cas da dumagnar las pretensiuns en il sectur interuman e professiunal.

• Dun organisatoric
• Fidadadad
• Eloquenza a bucca ed en scrit
• Enconuschientschas da linguas estras
• Bun dun receptiv
• Plaschair dal contact cun persunas
• Dun per cifras
• Senn da responsabladad
• Plaschair da lavurar cun computers
• Independenza

• Terminà la scola obligatorica
• Per la maturitad professiunala dovri fitg bunas prestaziuns en scola sco er l’examen d’admissiun reussì