Manadra u manader da la secziun Construcziun da vias principalas (direcziun superiura da construcziun) – Uffizi da construcziun bassa | 80–100 % | Cuira – Tiefbauamt Graubünden
Webseite Tiefbauamt Graubünden
Ensemen per il Grischun
L’unic chantun triling da la Svizra è in chantun multifar tant en quai che reguarda l’economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist tuttina variada sco nossa cuntrada.
L’Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d’aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L’infrastructura da las vias chantunalas cumpiglia passa 1450 construcziuns artifizialas, tranter auter punts d’ina autezza considerabla da fin 90 meters e tunnels d’ina lunghezza da fin 3 kilometers. Las sfidas da la natira che resultan la stad e l’enviern en noss chantun da muntogna, rendan nossa lavur pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).
Per il 1. da matg 2025 u tenor cunvegna tschertgain nus ina manadra u in manader da la secziun Construcziun da vias principalas (direcziun superiura da construcziun).
Voss champ d’incumbensas
- Responsabladad professiunala per projects da vias novas, da cumplettaziun e da renovaziun sin la rait da las vias principalas en tut il chantun
- Responsabladad per realisar ils projects en moda professiunala, confurm als termins ed als custs sco er per survegliar l’observanza da las prescripziuns da qualitad
- Direcziun superiura da construcziun per tut ils projects sin las vias principalas dal chantun
- Direcziun independenta da projects pretensius da vias e da construcziun bassa en las fasas publicaziun uffiziala e realisaziun
- Coordinaziun tranter projectaziun e realisaziun
- Manar in team da ca. 10 collavuraturas e collavuraturs, che sa cumpona da manaders da secturs da construcziun e da manaders da construcziun locals
- Responsabladad generala per planisar e realisar la furmaziun supplementara da tut las collavuraturas ed ils collavuraturs da la direcziun da construcziun da l’Uffizi da construcziun bassa
Quai che nus giavischain da Vus
- Diplom sco inschignera u inschigner da construcziun (stgalim BSc, MSc), sco maistra constructura u maister constructur ubain scolaziun equivalenta
- Fitg bunas enconuschientschas professiunalas e plirs onns experientscha en l’execuziun da projects da vias e da construcziun bassa
- Forza da persvader, dun da communitgar ed atgna iniziativa
- Experientscha da manar persunas ed abilitad da supportar squitsch
- Plaschair da la lavur da team interdisciplinara
- Bunas enconuschientschas en l’applicaziun dal computer (software da devisaziun, Microsoft Office)
- Enconuschientschas dal talian e/u dal rumantsch èn giavischadas
Kontakt:
081 257 37 85
CHKA6141.8
Um dich für diesen Job zu bewerben, besuche bitte apply.refline.ch.
