Guardias da notg a temp parzial per ils alloschis collectivs dal sectur d’asil a Cuira, Tavau, Grüsch, Murmarera e Pany – Uffizi da migraziun e da dretg civil | Cuira – Amt für Migration und Zivilrecht

  • Teilzeit
  • Chur
  • 28. Februar 2025

Webseite Amt für Migration und Zivilrecht

Ensemen per il Grischun
L’unic chantun triling da la Svizra è in chantun multifar tant en quai che reguarda l’economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist tuttina variada sco nossa cuntrada.

L’Uffizi da migraziun e da dretg civil ha actualmain passa 230 collavuraturas e collavuraturs en pli che 20 lieus ed è cumpetent per tut las incumbensas dal sectur da migraziun, q.v.d. en spezial per la concessiun e la retratga da permissiuns, per la collocaziun e l’assistenza, per l’execuziun d’expulsiuns sco er per l’integraziun. Plinavant vegnan emess documents d’identitad per burgaisas e burgais svizzers, realisadas natiralisaziuns ed exequida la surveglianza da las autoritads da stadi civil. La sedia principala da l’Uffizi da migraziun e da dretg civil è a Cuira.

Per l’Uffizi da migraziun e da dretg civil tschertgain nus tenor cunvegna guardias da notg a temp parzial per ils alloschis collectivs dal sectur d’asil a Tavau, Grüsch, Murmarera e Pany.

 

Voss champ d’incumbensas

  • Servetsch da guardia da notg da las 19.00 fin las 07.00 (servetsch da preschientscha a partir da las 24.00)
  • Procurar per quietezza, urden e segirezza
  • Garantir il provediment medicinal d’urgenza
  • Far controllas regularas

 

Quai che nus giavischain da Vus

  • Capacitad da persvader, abilitad da supportar squitsch
  • Atgna iniziativa e plaschair da prender decisiuns
  • Bun dun receptiv
  • Permiss da manischar autos da persunas
  • Bunas enconuschientschas da la lingua uffiziala discurrida al lieu respectiv

 

 

Kontakt:
Per dumondas davart la professiun stat Edvin Demund, manader dal ressort Collocaziun ed assistenza, gugent a Vossa disposiziun sut il numer da telefon 081 257 25 37 u per e-mail sut edvin.demund@afm.gr.ch.
081 257 25 23

BAGR6411.8

Verschlagwortet als: Kanton Graubünden

Um dich für diesen Job zu bewerben, besuche bitte apply.refline.ch.