Assistenta u assistent d’administraziun – Uffizi da construcziun bassa district 5 Tavau | 40–50 % | Tavau Frauenkirch – Tiefbauamt Graubünden

L’Uffizi da construcziun bassa è cumpetent per la projectaziun, per la construcziun, per il mantegniment e per la gestiun da las vias chantunalas sco er per la correcziun dals curs d’aua e per il traffic betg motorisà en il Grischun. Plinavant ans occupain nus dal mantegniment funcziunal da las vias naziunalas sin il territori chantunal. L’infrastructura da las vias chantunalas cumpiglia passa 1450 construcziuns artifizialas, tranter auter punts d’ina autezza considerabla da fin 90 meters e tunnels d’ina lunghezza da fin 3 kilometers. Las sfidas da la natira che resultan la stad e l’enviern en noss chantun da muntogna, rendan nossa lavur pretensiusa e multifara. Sco uffizi certifitgà cun «Friendly Work Space» ans stattan la sanadad e la cuntentientscha da nossas var 480 collavuraturas e collavuraturs tut spezialmain a cor. Per quest motiv ans engaschain nus per in management da sanadad sistematic en il manaschi (MSM).

Per il 1. da fanadur 2025 u tenor cunvegna tschertgain nus in’assistenta u in assistent d’administraziun per la partiziun Mantegniment da las vias tar il district 5 Tavau.

• Sustegnair il manader da l’administraziun en il sectur da secretariat e da finanzas
• Far servetsch da spurtegl, da telefon e da posta
• Elavurar debiturs e crediturs
• Gidar a far las acquisiziuns e las empustaziuns

• Emprendissadi commerzial terminà u scolaziun equivalenta
• Experientscha professiunala da plirs onns en il sectur spezial
• Moda da lavurar exacta e fidada
• Stil segir en la correspundenza e plaschair d’ir enturn cun cifras
• Bunas enconuschientschas en l’applicaziun dal computer (Microsoft Office)