Manadra u manader da project Procedura d’empustaziun Traffic public – Uffizi d’energia e da traffic | 80–100 % | Cuira – Amt für Energie und Verkehr

/in /von
  • Teilzeit
  • Chur
  • 2. August 2026

Website Amt für Energie und Verkehr

Ensemen per il Grischun
L’unic chantun triling da la Svizra è in chantun multifar tant en quai che reguarda l’economia sco er la cultura e la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist uschè variada sco nossa cuntrada. Contribui Vossas abilitads singularas e concepi ensemen cun nus l’avegnir da l’administraziun chantunala dal Grischun.

L’Uffizi d’energia e da traffic è il center da cumpetenza chantunal per dumondas en ils secturs da l’energia e dal traffic public. En il sectur dal traffic public essan nus cumpetents per la planisaziun strategica e per la coordinaziun vicendaivla da tut il traffic public en il chantun Grischun. Nus coordinain il traffic public da la viafier e dals bus ed essan cumpetents per la planisaziun, per la projectaziun e per la realisaziun da projects a favur d’in traffic public prospectiv. Bunas colliaziuns cun la rait da viafier naziunala ed internaziunala sco er colliaziuns regularas e frequentas en il traffic regiunal e d’aglomeraziun èn d’impurtanza centrala per mantegnair e per sviluppar vinavant il Grischun sco spazi da viver, sco spazi turistic e sco spazi economic.

Per l’Uffizi d’energia e da traffic tschertgain nus per il 1. da settember 2026 u tenor cunvegna ina manadra u in manader da project Procedura d’empustaziun Traffic public.

 

Voss champ d’incumbensas

  • Realisar la procedura d’empustaziun per il traffic public regiunal (traffic regiunal da persunas) per ils servetschs da transport sin via en il chantun Grischun
  • Realisar submissiuns ed esser la persuna responsabla per la conclusiun da cunvegnas da finamiras cun las interpresas da transport
  • Giuditgar professiunalmain las dumondas da meds da gestiun tenor l’Ordinaziun davart l’indemnisaziun ed il rendaquint dal transport regiunal da persunas 
  • Giuditgar professiunalmain dumondas da promoziun
  • Accumpagnar ils consorzis tariffars en il chantun Grischun

 

Quai giavischain nus da Vus

  • Diplom d’ina universitad u d’ina scola auta spezialisada en direcziun d’economia da manaschi u da planisaziun da traffic 
  • Interess per collavuraziun interdisciplinara, dun da contractar e segirezza en il contact cun interpresas da transport, autoritads e federaziuns 
  • Experientscha en connex cun l’elavuraziun independenta da dumondas concepziunalas
  • Plirs onns experientscha professiunala en il sectur dal traffic public èn d’avantatg
  • Fitg bunas enconuschientschas dal tudestg a bucca ed en scrit
  • Bunas enconuschientschas da pliras linguas chantunalas èn d’avantatg

 

 

Kontakt:

Per dumondas davart la professiun stat Lukas Studer, manader dal sectur Traffic public, gugent a Vossa disposiziun sut il numer da telefon 081 257 36 04 u per e-mail lukas.studer@aev.gr.ch.

081 257 36 10

ANGA8163.12

Verschlagwortet als: Kanton Graubünden

Um dich für diesen Job zu bewerben, besuche bitte apply.refline.ch.