Manadra u manader da project Effizienza energetica – Uffizi d’energia e da traffic | 80–100 % | Cuira – Amt für Energie und Verkehr
Webseite Amt für Energie und Verkehr
Ensemen per il Grischun
L’unic chantun triling da la Svizra è in chantun multifar tant en quai che reguarda l’economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in’auta qualitad da viver. L’administraziun chantunala dal Grischun è gist tuttina variada sco nossa cuntrada.
L’Uffizi d’energia e da traffic è il center da cumpetenza chantunal per dumondas en ils secturs da l’energia e dal traffic public. Nus essan responsabels per exequir la legislaziun d’energia, manain il post da certificaziun da Minergie e sustegnain ils programs per promover l’energia. Il post da cussegliaziun d’energia dat infurmaziuns fidadas a persunas privatas ed ad interpresas, per exempel davart l’effizienza energetica e davart l’utilisaziun d’energias regenerablas.
Per l’Uffizi d’energia e da traffic tschertgain nus per il 1. da matg 2025 u tenor cunvegna ina manadra u in manader da project Effizienza energetica.
Voss champ d’incumbensas
- Elavurar e tgirar projects en il sectur da l’effizienza energetica
- Controllar e giuditgar dumondas da promoziun tenor la Lescha chantunala d’energia
- Cussegliar persunas spezialisadas e privatas en il sectur da l’effizienza energetica e da l’utilisaziun d’energias regenerablas
- Planisar ed organisar curs da scolaziun e da perfecziunament
Quai che nus giavischain da Vus
- Diplom da scola auta spezialisada en direcziun tecnica (architectura, tecnica da chasa, ambient)
- Experientscha da plirs onns en il sectur da l’effizienza energetica d’edifizis
- Abilitad da lavurar en in team, cumpetenzas communicativas ed integritad
- In bun dun receptiv, flexibilitad ed abilitad da supportar squitsch
- Fitg bunas enconuschientschas dal tudestg a bucca ed en scrit
- Bunas enconuschientschas dal rumantsch u dal talian èn d’avantatg
Kontakt:
Per dumondas davart la professiun stat Andrea Lötscher, manader da la partiziun Effizienza energetica, gugent a Vossa disposiziun sut il numer da telefon 081 257 36 30 u per e-mail ad andrea.loetscher@aev.gr.ch.
081 257 36 10
ANGA6324.8
Um dich für diesen Job zu bewerben, besuche bitte apply.refline.ch.
