Sviluppadra u sviluppader business digital AFQ – – Kantonale Verwaltung Graubünden

  • Teilzeit
  • Chur
  • 31. Juli 2024

Webseite Kantonale Verwaltung Graubünden

Ti lavuras tar in u tar differents posts da servetsch, sustegnas la transfurmaziun digitala ed analiseschas activitads, process e products dal post da servetsch. Silsuenter elavureschas ti soluziuns per optimar process da lavur sco er products digitals e ti es il liom tranter las utilisadras ed ils utilisaders, ils aspects economics e las spezialistas ed ils spezialists tecnics.

Senza rotaziun
Scolaziun en in post da servetsch. Durant l’entir temp d’emprendissadi es ti en in post da servetsch ed acquistas uschia ina savida approfundada davart quest post da servetsch.

 

 

Accents da la scolaziun

Ti lavuras en il team ed accumpognas projects pitschens ensemen cun sviluppadras e sviluppaders d’applicaziuns, informaticras ed informatichers d’economia, contabilistas e contabilists u persunas spezialisadas per il svilup da l’interpresa e ti has contact cun differentas interlocuturas e differents interlocuturs. Sviluppadras e sviluppaders dal business digital pon lavurar en tut ils secturs che realiseschan u planiseschan sia transfurmaziun digitala e participeschan a projects en in grond dumber da secturs: IT, change management, experientscha da clientella, gestiun da l’interpresa, management da chadainas da furniziun, garanzia da qualitad, finanzas e controlling, fatgs da persunal, management da process, marketing u servetschs da stab. En vista a l’augment da la digitalisaziun en la societad ed en vista a la mancanza da persunas spezialisadas èn las perspectivas sin il martgà da lavur bunas. Igl è impurtant da frequentar permanentamain furmaziuns supplementaras per esser infurmà davart tendenzas e davart innovaziuns.‏ Ultra da la scolaziun professiunala èn er la promoziun ed il svilup da la cumpetenza metodica, sociala e persunala parts impurtantas da tia scolaziun. Quai na ta gida betg mo a dumagnar las differentas pretensiuns sin plaun professiunal, mabain er sin plaun interuman.

 

Tias fermezzas èn

  • abilitad da communitgar
  • dun organisatoric
  • chapientscha tecnica
  • pensar abstract-logic

 

Pretensiun

  • scola populara terminada

 

Kontakt:

Betg ponderescha ditg, mabain t’annunzia anc oz tar nus. Infurmaziuns detagliadas e video davart las singulas professiuns chattas sut www.lehre.gr.ch. Sche ti has anc dumondas u vulessas savair dapli davart la professiun giavischada, lura dà simplamain in Telefon:

Uffizi da persunal dal Grischun, Raffaella Bacchi, Telefon 081 257 32 38

Nus ans legrain da tia annunzia cun il curs da la vita ed ina fotografia sco er cun ils quatter ultims attestats da scola. Ta preschenta curtamain en ina brev e mussa, pertge che nus duessan tscherner gist tai sco proxima emprendista u proxim emprendist.

+41 81 257 34 32

ANBI4404.5

Verschlagwortet als: Kanton Graubünden

Um dich für diesen Job zu bewerben, besuche bitte apply.refline.ch.